ຂ່າວສານ

ສາມອົງການຈັດຕັ້ງມະຫາຊົນ ຂະແໜງລ້ຽງສັດ ແລະ ການປະມົງນະຄອນຫຼວງວຽງຈັນ

ໃນຕອນແລງວັນຈັນ ທີ 23 ແລະ ວັນອັງຄານ ທີ 24 ພະຈິກ 2020 ສາມອົງການຈັດຕັ້ງມະຫາຊົນພາຍໃນຂະແໜງລ້ຽງສັດ ແລະ ການປະມົງ ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ໄດ້ສ້າງຂະບວນການອອກແຮງງານລວມ ເຊັ່ນ: ອະນາໄມ, ທາສີ ແລະ ປະດັບປະດາ ທຸງຊາດ, ທຸງພັກ ແລະ ທຸງທີວ ສຳນັກງານຫ້ອງການ ເພື່ອຂໍ່ານັບຊົມເຊີຍວັນສາຖາປານາ ສປປ ລາວ ຄົບຮອບ 45 ປີ ທີ່ຈະໝູນວຽນມາຮອດມາເຖີງ ໃນວັນທີ 2 ທັນວາ ປີ2020 ນີ້ ໃຫ້ເປັນຂະບວນການຟົດຟື້ນ ແລະ ໃຫ້ມີຄວາມໝາຍສໍາຄັນ ໃນວັນດັ່ງກ່າວ. ເຊີ່ງນໍາພາໂດຍ ທ່ານ ດ່າຍ ສີຫາລາດ ຫົວໜ້າຂະແໜງລ້ຽງສັດ ແລະ ການປະມົງນະຄອນຫຼວງວຽງຈັນ ພ້ອມດ້ວຍອ້າຍນ້ອງພະນັກງານ ທີ່ເປັນສະມາຊິກຊາວໜຸ່ມ, ກຳມະບານ ແລະ ແມ່ຍິງ ເຂົ້າຮ່ວມຢ່າງພ້ອມພຽງ ລວມທັງໝົດ 20 ຄົນ ຍິງ 05 ຄົນ.