ຂ່າວສານ

ການທັດສະນະສຶກສາ ແລກປ່ຽນບົດຮຽນ ທີ່ ຣາຊະອານາຈັກໄທ

ໃນວັນທີ 01-02 ກຸມພາ 2019 ພາຍໃຕ້ການນຳພາ ຂອງທ່ານ ປອ ຫຼ້າສາຍ ນວນທາສິງ ຫົວໜ້າພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ໄດ້ນຳຄະນະທີມງານພະນັກງານ ຈາກຂະແໜງລ້ຽງສັດ ແລະ ການປະມົງ, ສູນໄຮ່ເໜືອ ເມືອງສັງທອງ, ສູນສົ່ງເສີມກະສິກຳທົ່ງຮາບ-ທ່າງອນ, ສູນບໍລິການຊົນລະກະເສດນໍ້າຫຸມ-ນໍ້າຊວງ ແລະ ດ່ານກວດກາສັດຕະວະແພດສາກົນ ນະຄອນຫຼວງວຽງຈັນ ລວມທັງໝົດ 11 ຄົນ ອອກເດີນທາງໄປທັດສະນະສຶກສາຖອດຖອນບົດຮຽນ ດ້ານການລ້ຽງສັດປີກປອດໄພ ແລະ ລ້ຽງສັດເປັນສິນຄ້າ ຢູ່ຈັງຫວັດມາຫາສາຣະຄາມ ແລະ ຈັງຫວັດຂອນແກ່ນ ຣາຊະອານາຈັກໄທ ເພື່ອ​ໃຫ້​ສອດ​ຄອງ​ກັບ​ແຜນ​ຍຸດ​ທະ​ສາດພັດ​ທະ​ນາເສດ​ຖະ​ກິດ-ສັງ​ຄົມ ຂອງ​ນະ​ຄອນຫຼວງວຽງ​ຈັນ ກໍ່​ຄືແຜນງານຄໍ້າປະກັນສະບຽງອາຫານ ແລະ ຜະລິດເປັນສິນຄ້າ ຂອງກົມລ້ຽງສັດ ແລະ ການປະມົງ ກະຊວງກະສິກຳ  ແລະ ປ່າໄມ້ ໃຫ້ສຳເລັດຕາມແຜນທີ່ກຳນົດໄວ້. ໃນນີ້, ເພື່ອ​ເປັນ​ກາ​ນ​ພັດ​ທະ​ນາຍົກ​ລະ​ດັບ ​ໃນ​ການລ້ຽງ​ພັນພື້ນເມືອງແບບທຳມະຊາດ ໂດຍຫັນມາລ້ຽງ ໃຫ້​ເປັນ​ລະ​ບົບ​ຕາມ​ເຕັກ​ນິກວິ​ຊາ​ການ ເພື່ອປ້ອງກັນຄວາມສ່ຽງ ແລະ ການເກີດລະບາດພະຍາດສັດ […]