ການນຳເຂົ້າ, ສົ່ງອອກ, ຂົນສົ່ງຜ່ານ

ດ່ານກວດ​ກາ​ສັດ​ຕະ​ວະ​ແພດ​ສາ​ກົນ ແມ່ນຫ້ອງການ ຫຼື ສະຖານທີ່ໜຶ່ງ ແມ່ນອົງການຄຸ້ມຄອງ ວຽກງານ ການລ້ຽງສັດ ແລະ ການສັດຕະວະແພດ ຂັ້ນສູນກາງ ສ້າງຂື້ນຢ່າງເປັນທາງການ ຢູ່ຕາມດ່ານສາກົນ ເຂົ້າ-ອອກ ປະເທດ ລວມທັງທ່າເຮືອ, ສະຖານີລົດໄຟ, ໄປສະນີ ແລະ ສະໜາມບິນ. ດ່ານກວດກາສັດຕະວະແພດ ມີຖານະເທົ່າທຽມກັບໜ່ວຍງານອື່ນ ທີ່​ສັງ​ກັດ​ຢູ່​ພະແນກການອ້ອມຂ້າງກົມ​ລ້ຽງ​ສັດ ແລະ ການ​ປະ​ມົງ ມີ​ພາ​ລະ​ບົດ​ບາດ​ເປັນ​ເສ​ນາ​ທິ​ການ ໃຫ້​ກົມລ້ຽງ​ສັດ​ ແລະ ການ​ປະ​ມົງ ໃນ​ການ​ດຳ​ເນີນ​ການກວດ​ກາ ຢັ້ງ​ຢືນ​ສຸຂາ​ນາ​ໄມ ແລະ ແນ​ະ​ນຳ​ເຕັກນິກກ່ຽວ​ກັບ​ການ ​ນຳເຂົ້າ-ສົ່ງອອກ-ຂົນສົ່ງຜ່ານ ​ສັ​ດ, ສັດນໍ້າ, ຜະລິດຕະພັນສິນຄ້າກ່ຽວກັບສັດ ແລະ ການປະມົງ ຕາມ​ລະ​ບຽບ​ການ​ທີ່​ກຳ​ນົດ​ໄວ້. ໃຫ້ຖືກ​ຕ້ອງ​ຕາມ​ກົດ​ໝາຍ ແລະ ລະ​ບຽບ​ເຕັກ​ນິກ​ທີ່​ວາງ​ໄວ້, ໃຫ້ໄດ້​ຕາມ​ມາດ​ຕະ​ຖານ ​ອົງ​ການສຸຂະພາບສັດ​ສາ​ກົນ (OIE “Office International des Epizooties”) ແລະ ສົນ​ທິ​ສັນ​ຍາ​ວ່າ​ດ້ວຍ​ສຸ​ຂາ​ນາ​ໄມ ແລະ ສຸ​ຂາ​ນາ​ໄມ​ພືດ (SPS “Sanitary Phytosanitary Standart ”) ແລະ ສຸ່ມ​ເກັບ​ຕົວ​ຢ່າງ​ສົ່ງ​ເຂົ້າ​ຫ້ອງວິ​ໄຈ​ສູນ​ກາງ​ເປັນ​ປົກ​ກະ​ຕິ.

          ໃນ​ນີ້, ກໍ່ຍັງໄດ້ປະກອບສ່ວນເຂົ້າໃນວຽກງານ ການ​ອຳນວຍຄວາມສະດວກ ໃນການ​ຄ້າ-ການລົງທຶນ ກໍ່ຄືການ​ເຊື່ອມ​ໂຍງ​ກັບ​ພາກ​ພື້ນ​ກໍ​ຄື​ສາ​ກົນ ເຊັ່ນ: ການ​ຄ້າ​ເສ​ລີ​ອາ​ຊຽນ (AFTA) ຫຼື​ ປະ​ຊາ​ຄົມ​ເສ​ດ​ຖະ​ກິດ​ອາ​ຊຽນ (AEC), ປະ​ຕິ​ບັດ​ສົນ​ທິ​ສັນ​ຍາ​ວ່າ​ດ້ວຍ​ສຸ​ຂາ​ນາ​ໄມ​ ແລະ ສຸ​ຂາ​ນາ​ໄມ​ພືດ (SPS) ຢ່າງ​ເຕັມ​ຮູບ​ແບບ ແລະ ຖະ​ນາ ສ ປປ ລາວ ເຮົາ​ເປັນ​ສະ​ມ​າ​ຊິກ​ອົງ​ການ​ການ​ຄ້າ (WTO) ກໍ່ຄືການອຳນວຍຄວາມສະດວກ ເຂົ້າໃນຂົງເຂດວຽກງານ ຂະແໜງການລ້ຽງສັດ ແລະ ການປະມົງ.

ເອກະສານ ສາມາດ ດາວໂຫຼດ ຢູ່ແບບຟອມຕ່າງໆ